Татьяна Иннокентьевна Потапова-Татыйык 1952с. от ыйын 25 күнүгэр Мэҥэ-Хаҥалас улууһун Хаптаҕай нэһилиэгэр,кэрэ айылҕалаах Мыла үрэҕэр турар Тыараһа сайылыгар төрөөбүтэ.1969сыллаахха Майа орто оскуолатын бүтэрбитэ,

1976с. Астраханскайдааҕы пединститут филологическай факультетын нуучча тылын уонна литературатын  салаатын үөрэнэн бүтэриэҕиттэн Уус-Алдан улууһун Лөгөй орто,Үөһээ Бүлүү  2с нүөмэрдээх оскуолаҕа, гимназияҕа -учууталынан,иитээччинэн,үөрэх салаатыгар,методиһынан, Дьокуускай куорат Саха-Турецкай колледжыгар, Өрөспүүбүлүкэтээҕи Олимпийскай эрэл училищетыгар иитээччинэн үлэлээн барыта 40-ча сыл ыстаастаах педагогическай үлэ ветерана,СӨ үөрэҕириитин туйгуна, методист-иитээччи.

 Хоһоон суруйуутугар уруккаттан боруобаланар гынан баран 2019 сылтан хоһоон группаларыгар киириэҕиттэн утумнаахтык дьарыктанан эрэр. "Айар кут" ,,Уран тыл оһуора","Тыл сүмэтэ" ,"Дорҕоон тойуга", "Сайар сарыал" бөлөхтөргө киирэн быйыл хоһоонноро хас да хомуурунньуктарга киирэн бэчээттэннилэр.

Икки кинигэлээх:

 

1. "Иэйии кыымнара" 2002с.

    Хоһооннор уонна ырыалар

 

Дьокуускай:СР Үөрэҕириитин      минист-н Бастакы анал үөрэх  департаменын издательствота

  

    2. "Олох умсулҕана" 2012с.

    хоһооннор.

 

Дьокуускай: С.А.Новгородов аатынан "Бичик" нац. кинигэ кыһата.

Билигин 3 кинигэтин бэчээккэ бэлэмнии сылдьар.

 

Иэйии киирдэҕинэ  ырыалар тахсаллар. Барыта 30-ча ырыалардаах,үксүлэрэ бэйэтин хоһоонноругар.Быйылгаттан атын дьон хоһоонноругар ырыа айарга холонор.Ол курдук Ыстапаан Таастаах тылларыгар "Таптыыбын сайыны",Альбина Сыралыма-Кырыкый тыл."Сиэнчээннэр"аранжировкаланан ырыа буолан көттүлэр,Сарыада тыл.2ырыа эмиэ аранжировкаҕа бэлэмнэнэ сытар.

   2019с.Олонхо ыһыаҕын иһинэн  тэриллибит "Көмүс долгуннаах хоһоон түһүлгэтэ " диэн Таллан Бүрэ 110сааһыгар,Илья Чаҕылҕан 105 саастарыгар анаммыт Республиканскай лит.пикника кыттан "Тута хоһуйуу" күрэххэ биһирэбил бириэмийэ ылбыта.

Бэйэ айбыт хоһоонун ааҕыы мероприятиеларыгар быйыл утумнаахтык кытынна.Ол курдук:

- "Айар кут"кружок , "Көҥүл иэйии ".РСПиП"Айар кут.түмсүүлэр П.А.Ойуунускай аатынан лит. Музейга ыытыллыбыт  "Сайылык" проекка,

-"Тыл сүмэтэ"айар түмсүү "Бэйэ хоһоонун ааҕыы"диэн нац.библиотекаҕа ,

-"Сайар сарыал"-хоһоон-ырыа түһүлгэтэ диэн Улуу Туймаада Үрүҥ Тунах ыһыаҕын кэмигэр ыытыллыбыт "Ресурснай-проектнай киин"методиһа В.П. Стручков-Дуулаҕа салайааччылаах тэрээһиҥҥэ.

 

-"Ньургуһуннар"диэн айылҕаҕа тахсыылаах "Уран тыл оһуора"бөлөх проегар,салайааччы Р.Н Михайлова-Сырдык күүс.

Download
Стихи Потаповой Т.И. - Татыйык.pdf
Adobe Acrobat Document 102.9 KB
Download
ПТИ 1.mp4
MP4 Video/Audio File 811.4 KB
Download
ПТИ 2.mpeg
MP3 Audio File 8.7 MB
Download
ПТИ 3.mpeg
MP3 Audio File 7.2 MB
Download
ПТИ 4.mpeg
MP3 Audio File 7.2 MB