Чурапчы с. "Айылгы" культура киинигэр көрсүһүүлэр

   Кулун тутар 19, 20 күннэригэр Чурапчы с. "Айылгы" культура киинигэр икки күннээх муниципальнай тэриллиилэргэ үлэлиир норуот айымньытын дьиэлэрин анал идэлээх улэһиттэригэр "Повышение эффективности учреждений культуры" диэн бэрт элбэх актуальнай темалардаах билиҥҥи балысханнык сайдар олох кэмигэр культура эйгэтин улэһиттэригэр сөптөөх сыаллаах, ирдэнэр элбэх өрүттэрдээх идэҕэ сайдар суолу тобулан идэ таһымын үрдэтии, норуот айар үлэтин сөпкө сайыннарыы курстара ыытылыннылар. 

    Икки күнү быһа толору аудиториялаах саалаҕа билиҥҥи норуот айымньытын дьиэлэрин сайдар кэскиллэрин, ону тэҥэ кыаллыбат араас өрүттээх, культура  эйгэтин инники сайдар суола салалларын, кыһалҕалаах боппуруостар тула бэрт сэргэх интэриэһинэй ырытыһыылаах, кэпсэтиһиилээх практическай үөрэх ыытылынна диэн Чурапчы улууһун бары анал идэлээх культура эйгэтин улэһиттэрин аатыттан курсу тэрийбит республикатааҕы ресурснай-проектнай кииҥҥэ (салайааччы М.М. Донскойга), республикатааҕы норуот айымньытын дьиэтин үлэһиттэригэр, курсу кэлэн ыыппыт (салайааччы С.С. Семеновка), СР культураҕа министерствотын финансовай-экономическай отделын салайааччытыгар Л.Н.Сивцеваҕа субэн иһин, РНАДь специалистарыгар О.И. Жирковаҕа, Т.В. Поповаҕа, Нь.Б. Никулиҥҥа барҕа махталбытын тиэрдэбит. Курстан элбэх мунаарбыт боппуруостарбытыгар тута хоруй ылан, бэйэбитинэн ырытыһан, тыа сирин культуратын сайдыытыгар сайдар суолу тутан, биир сүрүн үлэлиир ситим оноһуллан эрэриттэн астынныбыт. Маннык үлэлэр саҕаламмыттарын үрдүктүк биһирээтибит. Билиҥҥи саҥа сокуоннар, уларыйыылар киириилэригэр аһаҕастык кэпсэтии тыа сирин культуратын кыһалҕатыттан тахсара оруннаах. Араас өрүттээх тэрээһиннээх үлэлэри инникитин да сайыннаран, хайысхаларынан ыытан иһэргитигэр баҕарабыт.  Барҕа махталбытын тиэрдэбит маны барытын сүрүннүүр культурабыт министерствотыгар.

 

Кулун тутар 20 күнэ, Чурапчы улууһун норуот айымньытын дьиэлэрин үлэһиттэрэ.