Дьол тосхойдун!

Ытыктабыллаах Сахабыт сирин олохтоохторо!

Күндү биир дойдулаахтарбыт!

Саха Өрөспүүбүлүкэтин Култуураҕа уонна духуобунай сайдыыга министиэристибэтин Ресурснай-бырайыактыыр киинин аатыттан эһигини кэрэ кэм кэлэрин кэрэһилиир үтүө-бэлиэ күнүнэн – Үлэ уонна сандал саас бырааһынньыгынан – ис сүрэхпиттэн эҕэрдэлиибин!

Бу күннэргэ үлэни өрө туппут, кэлэр кэскили сырдык сулус оҥостубут дьоһун дьон бука бары санааларын холбууллар, Ийэ сиргэ үтүөнү түстүүр суоллары тобулаллар. Бу күннэргэ тыйыс айылҕалаах Сахабыт сирин олохтоохторо саҥалыы тыллан эрэр Аар Айылҕалыын алтыһаллар, эттиин-сиинниин чэбдигирэллэр, өйдүүн-санаалыын сырдыыллар.

Күндү бар дьоммут! Бу сырдык кэмҥэ эһигини саамай чугас дьоҥҥут арыаллаатыннар, оҕоҕут-ыччаккыт олоххо ситиһиилэринэн үөрдэ сырыттыннар! Чэгиэн-чэбдик буолуҥ, баай-байылыат олохтонуҥ, дьол-соргу тосхойдун!

 

Ресурснай-бырайыактыыр киинин дириэктэрэ

Михаил ДОНСКОЙ