Тимофей Егорович Сметанин төрөөбүтэ 100 сыла

  Сэтинньи ыйын 25 күнүгэр саха биллиилээх фронтовик-суруйааччыта Тимофей Егорович Сметанин төрөөбүтэ 100 сылын туолар.  Кини кэрэ айылҕалаах, кэрээбэт элбэх бултаах-алтаах, аатырбыт эмис балыктаах, кэпсээҥҥэ киирбит Кэбээйи ытык-мааны сиригэр күн сирин көрбүтэ.

  Иитиллибит илгэлээх ийэ тылынан, төрөөбүт төлкөлөөх төрүт тылынан, сахалыы саймаархай сайаҕас айымньылары айан, саха норуота билиммит поэта, прозаига, драматура буолар. Ол курдук, саха Ромеотынан уонна Джулеттатынан буолбут «Лоокут уонна Ньургуһун» диэн уһулуччу уйулҕалаах айымньыта саха театрыгар эрэ буолбакка, норуот театрдарын репертуарыгар күн бүгүҥҥэ диэри ураты дьоһун миэстэни ылан, көрөөччү кэрэхсэбилин уонна биһирэбилин ылыаҕын ылар.

  Маны сэргэ, улуу нуучча норуотун биллэр литературнай геройугар Вася Теркиҥҥа ханыылаах, саха буойуна - Егор Чээрини, билбэт саха ааҕааччыта суоҕа буолуо. Маныаха, Мэхээлэчээн булчута мүччүргэннээх сырыылара ханнык саха оҕотун умсугуппатаҕа уонна кэрэхсэппэтэҕэ буолуой?!

   Тимофей Сметанин үбүлүөйдээх үтүөкэн күнүнэн сахабыт дьонун эҕэрдэлиибит уонна ыытыллар тэрээһиннэргэ көхтөөхтүк кыттын диэн ыҥырабыт!

 

Виктор Стручков